9/19/2020

"Цагийн жамыг тодруулагч цаасан шувуу хэмээх сургаал" оршвой (11)




Учрыг ухах саруул ухаантай хүнд сургаал хэрэгтэй.

Үнэнийг баригч шударга хүнд сургаал хэрэгтэй.

Улмаар буяныг хураагч хүнд сургаал хэрэгтэй.

Очирдар ламын зарлигийг хадгалагч хүнд сургаал хэрэгтэй.

Олон нөхөдтэй таарагч хүнд сургаал хэрэгтэй.

Үхэх, өвдөхийн зовлонг санан айгч хүнд сургаал хэрэгтэй.

Үлэмж дээдийн номыг эдлэгч хүнд сургаал хэрэгтэй.

Өвгөд эмгэдийг өргөгч хүнд сургаал хэрэгтэй.


Сургагч нь:

Зоригоор бус үнэнээр болбоос сургаж болно.

Зориуд бус халамжлах сэтгэлээр болбоос сургаж болно.

Зовлонт үйлээс зайлуулагч болбоос сургаж болно.

Өөрөө эс мэдэвч дээдийн зарлигтай болбоос сургаж болно.

Үлэмж мэргэн эс боловч омог сэтгэлгүй болбоос сургаж болно гэвэй.



9/04/2020

“Цагийн жамыг тодруулагч цаасан шувуу хэмээх сургаал” оршвой (10).



Тэр хүн бас ийн асуув.
Сургаал хэрэгтэй хүн ямар буй, хэрэггүй хүн ямар буй хэмээсэнд
           Нисгэгч хүн өгүүлрүүн:
Үл мэдэгч мунхаг, ухаангүй хүнд сургаал хэрэггүй.
Өөрийн биеийг тоосон омогтой хүнд сургаал хэрэггүй.
Өгүүлсэн үгийг үл авагч хүнд сургаал хэрэггүй.
Үзсэний дараагаар мартагч хүнд сургаал хэрэггүй.
Бусад хүний гэмийг отогч хүнд сургаал хэрэггүй.
Эгэл хэрэггүй хүсэлд шунагч хүнд сургаал хэрэггүй.
Ихэс дээдсээс дутаагч хүнд сургаал хэрэггүй.
Элдэв баширт нөхөртэй ханилагч хүнд сургаал хэрэггүй.


Энгийн гэмгүй нөхөртэй үтээрхэгч хүнд сургаал хэрэггүй.
Эд мал тэргүүтнийг худалдсаар үгүйрэгч хүнд сургаал хэрэггүй.
Их суудлыг хүсэж, нэрэлхэгч хүнд сургаал хэрэггүй.
Энэ ба хойтын явдлын сүүлийг үл бодогч хүнд сургаал хэрэггүй гэвэй.


6/29/2020

Ажил хөдөлмөр

Монгол бичиг сурч байгаа танд зориулж монгол ардын зүйр цэцэн үгээс орууллаа. 
Уншаад кирилл бичгээр буулгаарай.
 

2/20/2019

Эрдэнийн сан субашид (29-32)




Ер далайнууд усаар үл ханах.
Ихэс хаадын сан эдээр үл ханах.
Ерөнхий хүнүүд хүслээр үл ханах.
Их ухаантан мэргэд эрдмээр үл ханах.

Өчүүхэн хүүхэд хэлсэн боловч сайн үг мөн болбол
Үнэн ухаантай мэргэд нь түүнийг тогтоон авна.
Үнэр сайт заарыг хэрэглэн дурласан хүн
Өмхий хүдрийн хүйснээс ч жигшилгүй авах мэт.

Үнэнхүү дээдсийн сайн эрдмүүдийг
Үлэмж дээдэс таньж дуурсгана за.
Үзэсгэлэнт Малая уулын зандны үнэр
Үргэлжид салхиар, зүг зүгт ханхлах адил.

Эрдэмтэй болоод сайн хүнийг ноён болговол
Үүрд хэрэг үйлс бүтээд, нийтээр амаржьюу.
Ээрлийг хангагч чандманыг тугийн үзүүрт тахивал
Энэ насны хүсэл бүгдийг хангах хэмээн алдаршсан мэт.


2/06/2019

Монгол бичгийг 21 хоногт

Ардын багш Ш.Чоймаа: Хүсвэл Монгол бичгийг 21 хоногт эзэмшиж болно