 |
Хазгай явдалтай муу хаад дайсанд дарагдвал
Хайрлагч сайн хаанд амиа шургах больюу.
Халуун хижиг өвчнөөр энэлсэн хүнүүд
Хамгаас үлэмжид хүйтэн усыг хүсэх мэт.
ᠬᠠᠵᠠᠭᠠᠢ ᠶᠠᠪᠤᠳᠠᠯᠲᠤ ᠮᠠᠭᠤ ᠬᠠᠭᠠᠳ ᠳᠠᠢᠰᠤᠨ ᠳ᠋ᠤᠷ ᠳᠠᠷᠤᠭᠳᠠᠪᠠᠰᠤ
ᠬᠠᠢᠢᠷᠠᠯᠠᠬᠤ ᠰᠠᠢᠢᠨ ᠬᠠᠠᠭᠠᠨ ᠳ᠋ᠤᠷ ᠠᠮᠢ ᠰᠢᠷᠭᠤᠬᠤ ᠪᠣᠯᠤᠶᠤ᠂
ᠬᠠᠯᠠᠭᠤᠨ ᠬᠡᠵᠢᠭ ᠡᠪᠡᠳᠴᠢᠨ ᠢ᠋ᠶ᠋ᠡᠷ ᠡᠨᠡᠯᠦᠭᠰᠡᠨ ᠬᠥᠮᠦᠨ ᠨᠦ᠍ᠭᠦᠳ
ᠬᠠᠮᠤᠭ ᠠ᠋ᠴᠠ ᠦᠯᠡᠮᠵᠢᠳᠡ ᠬᠦᠢᠲᠡᠨ ᠤᠰᠤᠨ ᠢ᠋ ᠬᠦᠰᠡᠬᠦ ᠮᠡᠲᠦ᠃
Алагч хаад ноёдоос зугтсан хүн
Аврагч сайн ноёдод яаран шүтьюү.
Адад баригдаж өвдсөн хүн
Арвис тарничнийг шүтэн забирах мэт.
ᠠᠯᠠᠭᠴᠢ ᠬᠠᠭᠠᠳ ᠨᠣᠶᠠᠳ ᠲᠤᠷ ᠵᠠᠭᠤᠭᠳᠠᠭᠰᠠᠨ ᠬᠥᠮᠦᠨ
ᠠᠪᠤᠷᠠᠭᠴᠢ ᠰᠠᠢᠢᠨ ᠨᠣᠶᠠᠳ ᠢ᠋ ᠶᠠᠭᠠᠷᠠᠨ ᠰᠢᠲᠦᠶᠦ᠂
ᠠᠳᠠ ᠳ᠋ᠤᠷ ᠪᠠᠷᠢᠭᠳᠠᠵᠤ ᠡᠪᠡᠳᠦᠭᠰᠡᠨ ᠬᠥᠮᠦᠨ
ᠨᠠᠷᠢᠨ ᠲᠠᠷᠨᠢᠴᠢᠨ ᠰᠢᠲᠦᠨ ᠵᠠᠯᠪᠠᠷᠢᠬᠤ ᠮᠡᠲᠦ᠃
Ариун дээд номчин өчүүхэн хилэнцийг ч болов тэвчих
Адаг муу хүн их нүглийг ч харин шамдаж үйлдэх.
Адилтгавал тарагт өчүүхэн тоос оровч арилгах
Архины хөрөнгөнд хог оровч нэмэрд бодох мэт.
ᠠᠷᠢᠭᠤᠨ ᠲᠡᠭᠡᠲᠥ ᠨᠣᠮᠴᠢᠨ ᠦᠴᠥᠬᠡᠨ ᠬᠡᠯᠢᠨᠴᠡ ᠶ᠋ᠢ ᠴᠦ᠍ ᠪᠣᠯᠪᠠ ᠲᠡᠪᠴᠢᠬᠦ
ᠠᠳᠠᠭ ᠮᠠᠭᠤ ᠬᠥᠮᠦᠨ ᠶᠡᠬᠡ ᠨᠢᠭᠥᠯ ᠢ᠋ ᠴᠦ᠍ ᠬᠠᠷᠢᠨ ᠰᠢᠮᠳᠡᠵᠥ ᠦᠢᠯᠡᠳᠬᠦ᠂
ᠠᠳᠠᠯᠢᠳᠬᠠᠪᠠᠰᠤ ᠲᠠᠷᠠᠭ ᠲᠤᠷ ᠥᠴᠦᠬᠡᠨ ᠲᠣᠭᠤᠰᠤᠨ ᠣᠷᠤᠪᠠᠴᠤ ᠠᠷᠢᠯᠭᠠᠬᠤ
ᠠᠷᠢᠬᠢᠨ ᠤ᠋ ᠬᠦᠷᠥᠭᠭᠡ ᠳ᠋ᠦ᠍ᠷ ᠬᠣᠭ ᠣᠷᠤᠪᠠᠴᠤ ᠨᠡᠮᠡᠷᠢ ᠳ᠋ᠦ᠍ᠷ ᠪᠣᠳᠤᠬᠤ ᠮᠡᠲᠦ᠃
Үнэн дээд номчин эд малаар үгүйрэвч
Үлэмжид номын үйлсэд харин хичээх болно за.
Үлгэрлэвэл ноцсон галыг уруу хандуулавч
Үзүүр нь улам дээш бадран ноцох адил.
ᠥᠨᠡ ᠳᠡᠭᠡᠳᠥ ᠨᠣᠮᠴᠢᠨ ᠡᠳ᠋ ᠮᠠᠯ ᠢ᠋ᠶ᠋ᠠᠷ ᠥᠭᠡᠢᠷᠡᠪᠴᠥ
ᠦᠯᠡᠮᠵᠢᠳᠡ ᠨᠣᠮ ᠤ᠋ᠨ ᠦᠢᠯᠡᠰ ᠲᠦ᠍ᠷ ᠬᠠᠷᠢᠨ ᠬᠡᠴᠡᠶᠡᠬᠥ ᠪᠣᠯᠤᠮᠤᠢ ᠵᠠ ᠂
ᠥᠯᠢᠭᠡᠷᠯᠡᠪᠡᠰᠥ ᠨᠣᠴᠤᠭᠰᠠᠨ ᠭᠠᠯ ᠢ᠋ ᠤᠷᠤᠭᠤ ᠬᠠᠨᠳᠤᠭᠤᠯᠪᠠᠴᠤ
ᠥᠵᠥᠭᠥᠷ ᠢᠨᠤ ᠤᠯᠠᠮ ᠲᠡᠭᠡᠭᠰᠡᠢ ᠪᠠᠲᠠᠷᠠᠨ ᠨᠣᠴᠤᠬᠤ ᠠᠲᠠᠯᠢ᠃
